ਰਾਜਾ ਵੜਿੰਗ ਦੀ ਸਟੇਜ 'ਤੇ 'ਚਰਨਜੀਤ ਚੰਨੀ ਜਿੰਦਾਬਾਦ' ਦਾ ਨਾਅਰਾ ਲਾਉਣ ਵਾਲੇ ਮੁੰਡੇ ਬਾਰੇ ਵੱਡਾ ਖੁਲਾਸਾ

ਪੰਜਾਬ ਕਾਂਗਰਸ ਪ੍ਰਧਾਨ ਰਾਜਾ ਵੜਿੰਗ ਦੇ ਮੰਚ 'ਤੇ ਚੰਨੀ ਜ਼ਿੰਦਾਬਾਦ ਦੇ ਨਾਅਰੇ ਲਗਾਉਣ ਵਾਲੇ ਨੌਜਵਾਨ ਬਾਰੇ ਨਵਾਂ ਖੁਲਾਸਾ ਹੋਇਆ ਹੈ, ਦਰਅਸਲ ਰਾਜਾ ਵੜਿੰਗ ਦੀ ਸਟੇਜ ਤੋਂ ਚੰਨੀ ਦੇ ਹੱਕ 'ਚ ਨਾਅਰਾ ਬੁਲੰਦ ਕਰਨ ਵਾਲਾ ਨੌਜਵਾਨ ਨਸ਼ਾ ਤਸਕਰੀ ਦੇ ਮਾਮਲੇ ਵਿਚ ਮੁਲਜ਼ਮ ਰਹਿ ਚੁੱਕਾ ਹੈ। ਕਾਂਗਰਸ ਦੇ 'ਹਰ ਬੂਥ ਮਜ਼ਬੂਤ' ਮੁਹਿੰਮ ਤਹਿਤ ਸੋਮਵਾਰ ਨੂੰ ਗੋਨੀਆਣਾ ਨੇੜੇ ਇਕ ਰਿਜ਼ੋਰਟ ਵਿਚ ਪਹੁੰਚੇ ਵੜਿੰਗ ਦੇ ਸਾਹਮਣੇ ਕੁਝ ਕਾਰਕੁਨਾਂ ਨੇ 'ਚੰਨੀ ਜ਼ਿੰਦਾਬਾਦ' ਦੇ ਨਾਅਰੇ ਲਗਾਏ ਸਨ। ਇਸ 'ਤੇ ਉਨ੍ਹਾਂ ਇਕ ਨੌਜਵਾਨ ਕਮਲਦੀਪ ਸਿੰਘ ਵਾਸੀ ਫ਼ਤਹਿਪੁਰ ਨੂੰ ਮੰਚ 'ਤੇ ਬੁਲਾ ਕੇ ਨਾਅਰੇ ਲਗਵਾਏ ਸਨ।